امام پاک کا سرپاک نیزے پر کونسی آیت کریمہ کی تلاوت فرما رہا تھا

*🔹امام پاک کا سرپاک نیزے پر کونسی ایت کریمہ کی تلاوت فرمارہا تھا🔹*

*اَلسَلامُ عَلَيْكُم وَرَحْمَةُ اَللهِ وَبَرَكاتُهُ‎*

*میرا سوال ہے کہ جب امام حسین کو یزیدوں نے شہید کیا تھا اور سرِ مبارک نیز کے اُوپر تھا تو کونسی ایت کی تلاوت کر رکے تھے براۓ مہربانی جواب جَلدی پیش کرے مہربانی ہوگی*
ا_______🔹🔸🔹________
*وعلیکم السلام ورحمۃ اللہ وبرکاتہ؛*
*الجواب بعون الملک الوھاب؛*

*حضرتِ سیِّدُنا زَید بن اَرقم رضی اللہ تعالیٰ عنہ کا بیان ہے: جب یزیدیوں نے حضرتِ ا مامِ عالی مقام ،* *سیِّدُنا امامِ حُسین رضی اللہ تعالیٰ عنہ کے سرِ انور کو نیزے پر چڑھا کر کوفہ کی گلیوں میں گشت کیا اس وَقت میں اپنے مکان کے بالا خانہ پر تھا۔ جب سرِ مبارَک میرے سامنے سے گزرا تو میں نے سنا کہ سرِپاک نے*
*📓👈🏻پارہ 15 سورةُ الکَہف کی آیت نمبر ۹ )تِلاوت فرمائی:*

*📓👈🏻اَم حَسِبتَ اَنَّ اَصحٰبَ الکَھفِ وَالرَّقِیمِ کَانُوا مِن اٰیٰتِنَا عَجَباً ( پ15 الکہف ۹)*
*👈🏻ترجَمہ کنزالایمان: کیا تمہیں معلوم ہوا کہ پہاڑ کی کھوہ(غار) اور جنگل کے کَنارے والے ہماری ایک عجیب نشانی تھے ۔*

*📗(شَواہِدُ النُّبُوَّة ص231)*

*اِسی طرح ایک دوسرے بُزُرگ رحمة اللہ تعالیٰ علیہ نے فرمایاکہ جب یزیدیوں نے سرِ مبارَک کو نیزہ سے اُتار کر ابنِ زِیادِ بد نِہاد کے مَحَل میں داخِل کیا، تو آپ رضی اللہ تعالیٰ عنہ کے مقدَّس ہونٹ ہل رہے تھے اور زَبانِ اقدس پر پارہ 13 سورہ ابراھیم کی آیت نمبر 42 کی تلاوت جاری تھی۔*
*👈🏻وَلَاتَحسَبَنَّ اللّٰہَ غَافِلاً عَمَّا یَعمَلُ الظّٰلِمُونَ*
*📓👈🏻 (پ 13ابراھیم42 )*

*👈🏻ترجَمہ کنزالایمان:اور ہرگز اللہ عزوجل کو بے خبر نہ جاننا ظالموں کے کام سے*

*📗👈🏻(روضة الشھداءمُترجَم ج۲ص385)*

*عبادت ہو تو ایسی ہو تلاوت ہو تو ایسی ہو*
*سرِشَبّیر تو نیزے پہ بھی قراٰں سناتا ہے*
*منہال بن عَمرو کہتے ہیں: واللہ میں نے بچشمِ خود دیکھا کہ جب امامِ حُسین رضی اللہ تعالیٰ عنہ کے سرِ انورکو لوگ نَیزے پر لیے جاتے تھے اُس وَقت میں ” دِمِشق “میں تھا۔ سرِ مبارَک کے سامنے ایک شخص سورةُ الکَہف پڑھ رہا تھا جب وہ آیت نمبر 15 پر پہنچا:*

*📓👈🏻اِنَّ اَصحٰبَ الکَھفِ وَالرَّقِیمِ کَانُوا مِن اٰیٰتِنَا عَجَباً*

*📗👈🏻 پ15 الکہف ۹)*

*👈🏻ترجَمہ کنزالایمان: پہاڑ کی کھوہ(غار) اور جنگل کے کَنارے والے ہماری ایک عجیب نشانی تھے*
*اُس وَقت اللہ تعالیٰ نے قُوّتِ گویائی بخشی تو سرِ انورنے بزبانِ فصیح فرمایا : اَعجَبُ مِن اَصحَابِ الکَھفِ قَتلِی وَ حَملِی” اصحابِ کہف کے قتل کے واقعہ سے میرا قتل اور میرے سر کو لیے پھرنا عجیب تر ہے*

*📗👈🏻شرح الصدور ص ۲۱۲)*

*سر شھید انِ مَحَبَّت کے ہیں نیزوں پر بُلند*
*اور اونچی کی خدا نے عِزّو شانِ اہلبیت*
*حضورصدرُ الافاضِل حضرتِ علّامہ مولیٰنا محمد نعیم الدّین مُراد آبادی علیہ رحمة اللہ الھادی اپنی کتاب سوانِحِ کربلا میں یہ حِکایت نقل کرنے کے بعد فرماتے ہیں: در حقیقت بات یِہی ہے کیونکہ اَصحابِ کَہف پر کافِروں نے ظلم کیا تھا اور حضرتِ امامِ عالی مقام رضی اللہ تعالیٰ عنہ کو ان کے نانا جان صلی اللہ تعالیٰ علیہ واٰلہ وسلَّم کی اُمّت نے مہمان بنا کر بلایا، پھر بیوفائی سے پانی تک بند کر دیا! اٰل واَصحاب علیہم الرضوان کو حضرتِ امامِ پاک رضی اللہ تعالیٰ عنہ کے سامنے شہید کیا۔ پھر خود حضرتِ امامِ عالی مقام رضی اللہ تعالیٰ عنہ کو شہید کیا، اہلبیتِ کِرام علیہم الرضوان کو اَسیر(یعنی قیدی) بنایا،سرِ مبارَک کو شہر شہر پھرایا۔ اَصحابِ کہف سالہا سال کی طویل نیند کے بعد بولے یہ ضَرور عجیب ہے مگر سرِ انور کا تنِ مبارک سے جدا ہونے کے بعد کلام فرمانا عجیب تر ہے*

*📚👈🏻(سوانحِ کربلا ص 118)*


*واللہ تعالٰی اعلم بالصواب؛*
ا_______🔹🔸🔹________
*✍🏼ازقـــــلــم حضـــرت علامــــہ ومولانـــا*
*محمـــد اسمــاعیـل خـان امجـدی صاحـب*
*قبلــــہ مدظلــــہ العـــالــٰـی والنـــــورانــــی*
*دارالـــعـلـــــــــوم شـہـیــــــــداعـظــــــــــم*
*دولـھـــــــاپورضـلـــــع گـونــــــڈہ یـوپــــی*
*رابطـــہ 📞 ــــــــــــــــ  9918562794*
*۷رجب المرجب ۱۴۴۰ھ بمطابق ۱۵مارچ بروز جمعہ*


*🔹قـــادی فــقـہی گــروپ؛🔹*
*رابطہ؛📞(8922921676)*
ا________🔹🔸🔹_______
*المشتـــہر؛*
*منجانب؛منتظمین قــادری فقہــی گروپ؛محمد امتـــیاز عالــم تـارابـاڑی پورنیہ بہــار  انڈیا؛*

ا_______🔹🔸🔹________